Feeds:
Posts
Comments

Posts Tagged ‘அகிலன்’

300798_157636360990145_1103238574_n

ராஜேந்திரர் ஆயிரமாவது விழா ஒட்டிய நினைவுகள் – சோழ புரம்- முடிகொண்ட சோழபுரம் – கங்கை கொண்டசோழபுரம் –
அகிலனின் ” வேங்கையின் மைந்தன் ” நாவல் வழி – அகிலன்கண்ணன் பார்வையில்:

அகிலன் அவர்கள் இந்த நாவலை எழுதும் முன் தஞ்சை, புதுகை , பழையாறை, நார்த்தாமலை, சித்தன்னவாசல், விராலிமலை, கொடும்பாளூர், தராசுரம் ,கங்கைகொண்ட சோழபுரம் எனத் தமிழகப் பகுதிகள் பலவற்றையும் மற்றும் இலங்கையையும் சென்று பார்த்து வந்து , குறிப்பெழுதி , படம்பிடித்துச் செய்தி சேகரித்து , மயிலை சீனி வேங்கடசாமி மற்றும் பலரது நூல்கள் நுணுகி ஆய்வு செய்தார்.

வேங்கையின் மைந்தன்( பக் 348 – 353 , 539- 546 )
பழையாறைக்கு வடக்கே இரு காத தூரம் – சோழபுரம் எனும் படைவீட்டுக் குடியிருப்பு . பொன்னி வள நாட்டை ஒட்டியிருந்தும் அந் நதியின் வளம் அந்த மண்ணுக்கு எட்டவில்லை . கருவேலங் காடு , புஞ்சை வயல், முட் புதர் . அங்கங்கே திட்டுத் திட்டாய்ப் பயிற்சிக் களங்கள்.

ஈழப் போர்க்களத்தில் உறவுகளைப் பறிகொடுத்த மக்கள் கூட்டம் மா மன்னரைச் சூழ தம் துன்பம் மறந்து , வாழ்த்தொலி …
வடதளியான சிவன் கோயில் கீழ் வாசலுக்கு முன் பெரும்
மேடையிலிருந்து முழங்குகிறார் ராஜேந்திரர் :
 என் அருமை மக்களே ! ஈழப் போரில் உயிர் துறந்த அத்தனை வீரர்களுக்கும் முதலில் நாம் அஞ்சலி செலுத்துவோமாக!….
அவர்களுக்கு நான் வீரக் கல் நாட்டப் போவதில்லை .அவர்களின் நினைவாகத் தஞ்சைப் பெரிய கோவிலைப் போல ஒரு மாபெரும் கோயில் சோழபுரத்தில் எழுப்பப் போகிறேன். ஒரு நூற்றாண்டு காலமாகத் திரும்பாதிருந்த முடியை அவர்கள் நமக்குத் திருப்பித் தந்து வெற்றி அளித்திருக்கிறார்கள் . முதல் வெற்றியைத் தேடித் தந்த வீரர்களின் மத்தியில் விரைவில் நானே என் தலைநகரத்தை அமைத்துக்கொள்ளப் போகிறேன் . சோழபுரம் விரைவில் நமது சாம்ராஜ்ஜியத்தின் தலை நகரமாகும்.காவேரிச் செழிப்பின் வளைப்பதை விட , என் வீரர்களை வளர்க்கும் கருவேலங் காட்டின் முட் புதரே எனக்குச் சிறந்த இடம் – தயங்காதீர்கள் ! நாம் நினைத்தால் செய்ய முடியாத செயல் ஒன்றும் இல்லை . மாபெரும் புதிய நகரம் ஒன்றை உருவாக்கி , அதன் மத்தியில் இமயம் போன்ற ஒரு கோயிலை எழுப்பி எல்லையில் கங்கையைப் போன்ற ஏரி வெட்டி நீர் நிரப்புவோம் .சோழபுரத்துக்குப் புத்துயிர் கொடுத்து நாமும் புத்துயிர் பெறுவோம்!

 ராஜேந்திரர் கருவில் உருவான கங்காபுரி
( அகிலனின் “வேங்கையின் மைந்தன் ” இரண்டாம் பாகம் பக் 406 – 412 , மூன்றாம் பாகம் 539 – 545 )

தஞ்சையில் ராஜ ராஜேச்வரத்தை உருவாக்கிய பெரிய சிற்பியார் புகழுடம்பெய்தி விட்டதால் , அவரது புதல்வர் திருச் சிற்றம்பலச் சிற்பியாருக்கு அந்த வாய்ப்புக் கிட்டியது .

நான்கு வாரங்களில் களிமண் படிவம் வார்க்கப் பெற்றது ! சிற்பியின் கலைக் கூடத்தில் சுற்றுப்புறச் சுவர்களில் ஆங்காங்கே திரைச் சீலைகளில் நகரத்தின் தோற்றம் ஒவ்வொரு கோணத்தில் !

” அற்புதம் சிற்பியாரே ! களிமண் பிரதியில் தோன்றும் இந்த உயிர்த் துடிப்பைக் கருங்கல்லுக்குள் உங்களால் மாற்றிவிட முடியுமா? ”
” சக்ரவர்த்திகளே ! இறைவனின் பேரன்பும் பெருங்கருணையும்
துணை நின்றால் இவ் வுலகில் எதைத்தான் சாதிக்க முடியாது ? தங்களது தந்தையார் அருள்மொழித் தேவர் காலத்துக்குப் பிறகு , தாங்கள் இந்த நாட்டில் அதனினும் பன்மடங்கு சீரும் சிறப்பும் வளரப் பாடுபடுகிறீர்கள் . மா மன்னருக்குள்ளது போன்ற அதே ஆவல் இந்த ஏழைச் சிற்பியிடமும் உண்டு .தஞ்சைப் பெரிய கோயிலின் ஆண்மையும் கம்பீர மிடுக்கும் இந்த உலகம் உள்ள அளவும் நிலைத்து நிற்கக் கூடியவை . ஆனால் , கலை நுணுக்கச் சிற்ப வேலைப்பாடுகளில் அதனினும் சிறந்த ஓர் ஆலயம் எழுப்ப வேண்டுமென்ற ஆவலையே அது தூண்டிவிட்டுக் கொண்டிருக்கிறது. பல்லவர் காலத்தில் தொடங்கிய கலை மலர்ச்சியின் சிகரத்தை நம்மால் மட்டும் தொட்டு விட முடிந்தால் ?…”
” சிற்பியாரே ! நாம் இருவரும் பேராசைக்காரர்கள் ! ” என்றார் ராஜேந்திரர் …..
***** ************ ************

அகிலனின் வேங்கையின் மைந்தனின் மூன்றாம் பாகத்தின் முதல் அத்தியாயம் ! ஓ ! படித்தால் மட்டுமே பருக முடியும் அந்த அழகோவியத்தை !
கொடும்பாளூர்க் கோமகன்
கல்லோ கவிதை ! அதன்
சொல்லோ கடவுள்
பெரிய கோயிலை எழுப்பி இருபது ஆண்டுகளுக்குப் பிறகு…
கங்கை கொண்ட சோழபுரம் கோயில் நிறைவெய்திய பின் ராஜேந்திரர் சிற்பியிடம் நன்றிக் கடனாக என்ன வெகுமதி அளிப்பதெனத் தெரியாது அவரிடமே , ” தங்களது கலைத் திறனுக்கு ஈடான வெகுமதி எதுவென்று எனக்குத் தோன்றவில்லை .தங்களுக்கு எது விருப்பமோ அதை இப்போதே கேளுங்கள், சிற்பியாரே ! ” கேட்கிறார் .
” என் வாழ்வில் எனக்கு ஒரு குறையுமில்லாமல் தாங்கள் செய்து வைத்திருக்கிறீர்கள் . நான் இறைவன் திருவடி சேரும் நாளில் , தாங்கள் பெற்றுத் தந்த வெற்றியில் எனக்கும் பங்கு வேண்டும் ”
” வெற்றியில் பங்கா? ”
” என் உயிர் பிரிந்தவுடன் என் பூத உடலுக்கு ஒரு குடம் கங்கை நீர் வேண்டும் .”
” கங்கை நீரின் பெருமையை இப்போதுதான் நான் அதிகமாக உணருகிறேன். பட்டத்து யானை மீது கங்கை ஊர்வலமாக வந்து தங்கள் மாளிகைக்குச் சேருவாள் ! “

“சண்டேசுவரர் சிற்பத்தின் வாயிலாக -அம்பிகை அருகிருக்க அனுகிரகம் செய்பவராக எம் பெருமானும் இங்கே முடி வணங்கி நிற்கும் அடியாராக நமது சக்ரவர்த்திகளும் ” இன்றும் அந்த ராஜேந்திரர் அந்தக் கங்கைகொண்ட சோழபுரக் கோயிலிலே…திருச் சிற்றம்பலச் சிற்பியின் கை வண்ணத்தில்
நமக்குக் காணக் கிடைக்கிறார் .
சொற் சித்திரத்தில் அகிலனின் கை வண்ணத்தில் வேங்கையின் மைந்தனில் நமக்கு ராஜேந்திர சோழர் என்றும் காணக் கிடைக்கிறார் !

ராஜேந்திர சோழர் ( 1012 – 1044 ) அவர்களின் வாழ்வையும் , அவர் , அன்றைய தென்னிந்தியாவில் மாபெரும் சோழப் பேரரசை விரிவாக்கியதையும் மக்களுக்கு மதிப்பு மிகு நல்லாட்சி நல்கியதையும் அகிலன் தமது முதல் சரித்திர நாவலான ‘ வேங்கையின் மைந்தனி’ல் ( 1960- 61 ) சுவைபட
சித்தரித்துள்ளார். 1963இல் சாகித்திய அகாதமி விருது பெற்ற இந் நாவலை சிவாஜி கணேசன் அவர்கள் மேடை நாடகமாக
நடித்து மகிழ்ந்தார் . சென்னை வானொலிக்காக ஐந்து வாரத் தொடர் நாடகமாக்கும் வாய்ப்புப் பெற்றேன் நான். அப்போதுதான் எனக்கு இந் நாவல் வழி நாவலாசிரியர் அகிலன் பெரும் வியப்பான வினாவை என்னுள் விதைத்தார்.
சரித்திர நாவலில் சமூகப் பார்வைப் பிரதிபலிப்பு சாத்தியமா?
ஆம் , சாத்தியமே என்று அகிலனின் மூன்று சரித்திர நாவல்களின் மூலம் எனக்குப் பதில் அளித்தார்.

நம் பழம் பெருமைப் போதையில் ஊறித் திளைத்த நாம் , பணக்கார வீட்டுச் செல்லப் பிள்ளைகளைப் போல் இந்த நூற்றாண்டில் சோம்பிக் கிடக்கிறோமோ எனக் கவலைப் பட்ட
அகிலன் , அந்தக் கால இயல்புக்கேற்ற முறையில் வாழ்க்கையில் போராடி வெற்றிச் சிறப்போடு வாழ்ந்தவர்களை
மீண்டும் நினைவுக்குக் கொண்டு வந்து , இந்தக் காலத்து மக்களைத் தட்டி எழுப்பத் தோன்றப் பெற்ற அகிலன் இந்த நூற்றாண்டுத் தமிழர்களும் இந்தக் காலத்து லட்சியங்களை
வைத்து இன்றையத் தலை முறை , உழைத்துப் போராடி வாழ்க்கையில் வெற்றிபெற வேண்டுமென்று லட்சியப் பாத்திரங்களை முன்னோடியாகக் கொள்ள வேண்டி ‘ தென்னிந்தியாவின் அலெக்ஸாண்டர் ‘ என்று போற்றப் பெரும்
ராஜேந்திர சோழரான சரித்திர நாயகரையும் கற்பனைப் படைப்பான கொடும்பாளூர் இளவரசன் இளங்கோவையும்
இந் நாவலில் முக்கிய பாத்திரங்களாக்கினார் அகிலன்.
” தமிழ் நாட்டு வரலாற்றின் பொற்காலம் ராஜேந்திர சோழரின்
ஆட்சிக் காலம் .இந்தியாவில் வடக்கே அவர் வங்கம் வரை சென்று கங்கை நீரைக் கொண்டு வந்தவர்.தெற்கே இலங்கை யிலும் தன் கொடியைப் பறக்கச் செய்தவர் .கிழக்கே கடல் கடந்து கடாரம் வரை தமது ஆட்சியின் அதிகாரத்தைப் பரப்பியவர்.” ( அகிலனின் ‘ எழுத்தும் வாழ்க்கையும் ‘பக் 330 -333)

இச் சந்தர்ப்பத்தில் ஒரு குறிப்பு :
சென்னை வானொலிக்காக நான் இந்த வேங்கையின் மைந்தனை பிழிந்து கொடுக்க நேர்ந்த போது நிகழ்ந்தது !
ஒலிப் பதிவின் போது உடனிருந்தேன் .இறுதிக் கட்டக் காட்சி :.
தயாரிப்பாளர் திருமதி புனிதவதி இளங்கோவன் அவர்கள் ” கண்ணா நீங்க கங்கை கொண்ட சோழபுரம் போயிருக்கீங்களா ? ” என்று கேட்க , நான் மொவுனித்திருக்க, ” கட்டாயம் பாக்கணு ம்ப்பா ! ” வேங்கையின் மைந்தன் நாவலைப் படிச்சுட்டு நாங்க
கங்கைகொண்ட சோழபுரம் கண்டு உவந்தோம்! ” எனக் கவி நயமாகச் சொல்லித் தூண்டினார்கள்.

 

அதன் பிறகு நாங்கள் குடும்ப சகிதம் சென்றுவந்தோம் .` நீங்கள்?

—  (c) அகிலன்  கண்ணன்

 tamilputhakalayam@gmail.com

click to buy the book/ புத்தகத்தை வாங்க இந்த விசையை அழுத்தவும்

click to buy the book/ புத்தகத்தை வாங்க இந்த விசையை அழுத்தவும் 044-28340495

 

 

 

 

Read Full Post »

வேங்கையின் மைந்தன் : அகிலன்

பெயர் : வேங்கையின் மைந்தன் 

ஆசிரியர் :அகிலன்
வகை : சரித்திர நாவல் : காலம்  (1012-1044)    ராஜேந்திர சோழர் : சோழர் வரலாறு 
பதிப்பு ; பரிசுப்பதிப்பு / மூன்று பாகமும் ஒரே புத்தகமாய் …
விலை :- INR 400 /-
பதிப்பகம் :  (க) தாகம் /  044-28340495tamilputhakalayam@gmail.com

ISBN: 81-89629-13-1

எடை: 750 grms

இந்த்திய அரசின் சாகித்ய அகாதமி விருது பெற்ற நாவல் 

புத்தகத்தை வாங்க இங்கே கிளிக் செய்யவும் ...

புத்தகத்தை வாங்க இங்கே கிளிக் செய்யவும் …

 

” ஆம் ஆயிரம் ஆண்டுகளுக்கு முன்பே இந்தத் தமிழ்த் திருநாடு பெற்றிருந்த பேற்றை நினைக்கும்பொழுது நம்முடைய மனம் பொங்கிப் பூரிக்கின்றது. நெஞ்சு பெருமிதத்தால் விம்முகிறது. 

 

பிற்கால சோழர்களின் தனித்தன்மை பெற்றுத் தன்னிகரில்லாமல் திகழ்ந்த மாவீரர்  இராஜ இராஜ சோழர் , வீரத்தில் வேங்கயாகவும் அரசியல் பெருந்தன்மையில் சிங்கமாகவும் விளங்கியவர் . வேங்கயின்மைந்தன் இராஜேந்திரரோ தம் தந்தை அமைத்துக் கொடுத்த அடித்தளத்தில் மிக உயர்ந்த மாளிகையை எழுப்பியவர். அந்தத் தமிழ் சாம்ராஜ்யத்தின் மாளிகைக் கோபுரங்களில் எண்ணற்ற வெற்றிப் போர்கலசங்களை ஏற்றி வைத்தவர்.

தமிழ்ச் சாதி இந்தத் தாரணி எங்கும் செருக்கோடு மிடுக்கு நடைபோட்ட உன்னதமான களம் அது.

 

மாமன்னர் இராஜேந்திரரின் வாழ்க்கையும் அவர் உருவாக்கிய   பொற்காலமும் எனக்கு இந்தக்கதையை எழுதுவதற்கு உற்சாகம் தருகின்றன.

10555067_10203450834284866_497946439_n

புகைப்படம் : (க) கற்பகம் 

 

கங்கை கொண்ட சோழபுரத்தில் இராஜேந்திர மாமன்னர் மிதித்த தமிழ் மண்ணை மிதித்தேன்.

 

ஆயிரம் ஆண்டுகளுக்கு முன்னர் அந்த நகரங்கள் எப்படியிருந்திருக்கக்கூடும் என்று கற்பனை செய்து பார்த்தேன்…..  “

———                  அகிலன் 

click to buy the book/ புத்தகத்தை வாங்க இந்த விசையை அழுத்தவும்

click to buy the book/ புத்தகத்தை வாங்க இந்த விசையை அழுத்தவும்

Read Full Post »

தலைப்பு / TITLE :  வாழ்வு எங்கே ? / vaazhvu enge ?
ஆசிரியர் /AUTHOR: அகிலன் / AKILAN
வகை / CATEGORY : சமூக நாவல்/ social novel
விலை/ PRICE :- INR 110 /-
PUBLISHER: (C) DHAGAM /044-28340495
WEIGHT:260 grms

——————————————————————————————-

கலைமகள் மாத இதழில் தொடராக வெளிவந்து இன்றும் வாசகர்களின் மனங்களில் உலா வருகிறது இந்த சமூக நாவல். குலமகள் ராதை என்ற பெயரில் திரைப்படமானது .

இந்நாவல் பற்றி ஆசிரியர் அகிலன் …

நாட்டு  விடுதலைக்குப் பிறகு ஏற்பட்டுள்ள  பொருளாதார வேட்கைகள்  நம்முடைய சாதி உணர்ச்சியை மேலும் தூண்டிவிட்டிருக்கின்றன . நான் கதை எழுதியபோது இதில் உள்ள சில எச்சரிக்கைகளைக் கவனிக்கத் தவறியவர்கள்  இப்போது அவை வளர்ந்துவிட்ட பிறகு  விழித்துக்கொண்டிருக்கிறார்கள்.

பழக்க வழக்கங்கள் மாறிவரும் இன்றைய உலகில் என்றுமே நிரந்தரமாக அமைய வேண்டிய உறவுகளைப் பற்றியும் இதில் என் கருத்துக்களைக் கதையாக்கியுள்ளேன்.

காதல் போல் தோன்றுவதெல்லாம் காதல்தான? கலப்புமணம் செய்துகொள்பவர்களுக்கு  வரும் இன்னல்கள் எவை ? அவர்களுடைய சந்ததி எப்படி இருக்கும் ? இத்தகைய கேள்விகளுக்கு இந்த நாவலில்  விடைகாண முயன்றிருக்கிறேன்.

நாவலில் அகிலன் : “வாழத் தெரிந்தவர்களுக்குத் துன்பமும் இல்லை , சாவும் இல்லை , வாழ்க்கை நிரந்திரமானது. அது இங்கேதான் இருக்கிறது. அழியாத அன்பின் அடிப்படையில் “

order a copy of the book by clicking this link : “buy

Read Full Post »

தலைப்பு / TITLE : அகிலன்சிறுகதைகள் (2 தொகுதிகள் ) / Akilan Sirukathaigal (1 set in 2 volumes)
ஆசிரியர் /AUTHOR: அகிலன் / AKILAN
வகை / CATEGORY : (200 சிறுகதைகள்) /SHORT STORY COLLECTION
LIBRARY EDITION:HARD BOUND
விலை/ PRICE :- INR 1300 /-

PUBLISHER: (C) DHAGAM /044-28340495
ISBN: 81-89629-02-6
WEIGHT:2.5 KGakilan sirugathai 1

அகிலன் சிறுகதைகள் – 20ஆம் நூற்றாண்டுத் தமிழ் இலக்கிய உலகில் தனிப்பெரும் பங்களிப்புத் தந்த அகிலன் அவர்களின் ௨௦௦ சிறுகதைகளையும் காலவரிசைப்படித் தொகுத்துத் தரப் பெற்றுள்ளது. அகிலனின் இலக்கிய வீச்சுடன் , கரு, உரு,உத்தி இவைகளை பெருமிதத்துடன் தரும் நூலிது.

தனிமனித உணர்வு சிக்கல்கள் ,சமூகப் பிரச்சினைகள், என வாழ்வின் சத்தியங்களை எளிய நடையில் பலவண்ண அழகோவியங்களாய்க் கூறும் தொகுப்பிது.

contact : tamilputhakalayam@gmail.com

phone : 044-28340495

Read Full Post »

 

knm

படைப்பாளர் , பத்திரிகையாளர், மொழி பெயர்ப்பாளர் ,நூல் வெளியீட்டாளர் எனப் பல் வேறு துறைகளிலும் ஒளிவிட்டுத் துலங்கியவர் கண.முத்தையா அவர்கள். இந்திய சுதந்திரப் போராட்டத்தில்  பங்குபற்றியுழைத்த  தியாகியாகவும் திகழ்ந்தவர்.

இந்திய தேசிய ராணுவத்தை அமைத்துப் போராட்டத்தை முன்னிலைப்படுத்திய சுபாஸ் சந்திர போஜின் இராணுவத்தில் முக்கிய ஸ்தானம் வகித்தவர். நாட்டுப்பற்றோடு விடுதலைக்காக உழைத்ததுடன் நூல் வெளியீடு படைப்பிலக்கியத்துறையிலும் தடம்பதித்து  இப் பெரியார்  நவம்பர் மாதம் 12 தேதி இயற்கை எய்தினார்.

சிவகங்கையில்  மதகுபட்டி என்ற கிராமத்தில் கடந்த 1913ஆம் ஆண்டு கண .முத்தையா பிறந்தார். 1930ஆம் ஆண்டு பர்மா சென்றடைந்தார். அங்கே நேதாஜி சுபாஸ் சந்திரபோசின் நாட்டுப்  பற்றாலும் கம்பீரமான வீரச் சொற் பொழிவுகளாலும் நன்கு கவரப்பட்டார் . விடுதலைப் போராட்டத்தில் தானும்  குதித்தார்.  நேதாஜி போசைக் கடைசி முறையாகச் சந்தித்த நால்வரில் கண.முத்தையா அவர்களும் அடங்குவர்.

1946 இல் பர்மாவைவிட்டு சென்னை   திரும்பிய இப்பெரியார்  ‘ தமிழ்ப்புத்தகாலயம்’ என்ற பதிப்பகத்தைத் தொடங்கினார், அதன் முதல்  பதிப்பாக “நேதாஜியின் புரட்சி” என்ற நூலை வெளியிட்டார் . “வால்காவிலிருந்து கங்கை வரை ” என்ற சாங்கிருத்யாயனின் நூலையும் ” பொதுவுடமை என்றால் என்ன?” என்ற நூலையும் தமிழில் மொழிபெயர்த்து வெளியிட்டார்.

எழுத்தில் மட்டுமல்ல நடைமுறையிலும் கூட தமிழகத்துக்கு மாறான கருத்துக்களைக் கூறும் எந்தப் படைப்பையும் தூக்கி எரிந்து விடுவார், பிரசுரிக்க உடன்படமாட்டார். பர்மாவில் ” தன வணிகன்” என்றொரு இதழ் முன்னர் வெளியாகியது. அதன் ஆசிரியர் குழுவில் இணைந்து பணியாற்றிய கண.முத்தையா அவர்கள் பல கட்டுரைகளையும் சிறுகதைகளையும் எழுதி வெளியிட்டார்.

தமிழ் எழுத்தாளர் சங்கம், தமிழ்நாடு  பதிப்பாளார் சங்கம், தமிழ்நாடு எழுத்தாளர் கூட்டுறவுச் சங்கம் போன்ற பல அமைப்புகளில் இருந்து முக்கிய பொறுப்புகளை ஏற்று அவற்றின் முன்னேற்றத்திற்காகப் பெரிதும் பாடுபட்டு உழைத்தார்.

பிரபல நாவலாசிரியரான அகிலனுடைய மகன் அகிலன் கண்ணன் இவரது மகளை மணந்த முறையில் அகிலனுடைய சம்மந்தியானார்.

அகிலன்,ராஜம்கிருஷ்ணன், நா.பார்த்தசாரதி, இந்திரா பார்த்தசாரதி, ஆகிய படைப்பாளிகளின் எழுத்துக்களையும், புதுமைப்பித்தன், க.நா.சு, தொ.மு.சி.ரகுநாதன்,கு.அழகிரிசாமி ஆகியோரின் படைப்புகளை பதிப்புச் செய்து இலக்கிய உலகுக்கு உதவினார்.

இவர் பதிப்பித்த நூல்களுக்கான ராயல்டியை ஒழுங்காக கணக்கு வைத்து , எழுத்தாளரிடம் கையளிப்பதில் மிகவும் நறுக்காக இருந்து தொழில் பட்டமையை மறக்க முடியாது.

இவர் பதித்த நூல்கள் பாரதீய ஞானபீடப்பரிசு, சாகித்ய அகாடமிப் பரிசு, தமிழ்நாடு அரசு பரிசு, ராஜாசர் அண்ணாமலைப் பரிசு, இலக்கிய சிந்தனைப்பரிசு, பாரதீய பாசா பரிசத் பரிசு, ரங்கம்மாள் நினைவுப் பரிசு, அனந்தாச்சாரி அறக்கட்டளை பரிசு எனப் பல்வேறு அமைப்புகளிலும்  பரிசில்களைப்  பெற்றுள்ளமை குறிப்பிடத்தக்கது. – பத்மா சோமகாந்தன்  (வீரகேசரி

– 1998) ]

4

Read Full Post »

 

Ipad_Bookshelf

“அடுத்தவன்  காலை  விட்டு  ஆழம் பார்க்கும்  அறிவாளியாக இருப்பதைவிட ,

தீமையைப்  பொறுக்காத முட்டாளாகவே  நான்  இருந்துவிட்டுப்  போகிறேன் !”

– புதுவெள்ளம் / சமூக நாவல் / அகிலன் / வெளியீடு : தாகம் 

 

 

tamilputhakalayam@gmail.com    /   044-28340495

Read Full Post »

Image

http://tamilputhakalayam.in

இன்று ( 27/6/2013 ) அகிலன் எனும்  சமுதாய அக்கறை மிகக் கொண்ட ,தொலைநோக்குப் பார்வை மிகு ,  தமிழ் எழுத்தாளரின் பிறந்த நாள் .

1922இல் பிறந்தவர் அகிலன்.
 27.8.1961 இல் ‘ மாதவி’ என்னும் கிழமை இதழில்எழுதிகிறார் இப்படி . தற்போது அகிலனின்  ” நாடு – நாம் – தலைவர்கள் ”  எனும் புத்தகத்தில் ‘எழுத்துலகில் நான் ‘ எனும் கட்டுரையில்  (பக் 146 – 152 இல்) இருந்து தொகுக்கப் பட்டு உங்கள் பார்வைக்கு இதோ :

 “ஒவ்வொரு மனிதனையும் உருவாக்கும் சக்திகள் அவனது பிறப்பு, வளர்ப்பு, கல்வி, சூழ்நிலை, சொந்தத் திறமை , வாய்ப்பு  முதலியவைகளே .எழுத்தாளனுக்கும் இது பொருந்தும்.

எனது கொள்கைப்படி எழுத்தாளன் மனசாட்சிப் போர்வீரன் .அவனுடைய ஆயுதம் பேனா. நல்ல சக்திகளைத் தூண்டிவிட்டு , தீய சக்திகளை அவன் சாடுவான் . நல்லவையும் தீயவையுமான சக்திகளின் போராட்டம் நிறைந்த இந்த உலகில், தீய சக்திகள் நல்ல சக்திகளை விழுங்கிவிடாமல் பார்த்துக்கொள்ள வேண்டிய பொறுப்பு எழுத்தாளனுக்கும் உண்டு.
நாட்டில் மனிதாபிமானம் குறைந்தது ஏன் ? ஒழுக்கம் குன்றியது ஏன் ? அறிவு சூறையாடப்பட்டது என் ?
திறமையும் நேர்மையும் உள்ளவர்களுடைய வளர்ச்சி குன்றும் அளவுக்கு திறமையின்மையும் சுரண்டல் மனம் கொண்டவர்களும்  பிரமுகர்களானார்கள் .ஒரு எழுத்தாளன் எப்படி இங்கே இலக்கியப் போராட்டம் நடத்த முடியும்? மனிதாபிமானம் மடிந்து வருகின்ற நாட்டில் பேனா முனைக்கு வேலையில்லை ; துப்பாக்கி முனை வந்தால்தான் இந்தச் சமூக விரோதிகளிடமிருந்து மக்களைக் காக்க முடியும். அவசியமானால் எழுத்தாளர்களே அதுவும் நிகழக் காரணமாக இருப்பார்கள்.
தமிழ்நாட்டில் நேர்மைத் துணிவும் போராட்ட சக்தியும் உள்ள இளைஞர்கள்  மிக மிகத் தேவையென்று நான் கருதுகிறேன். சந்தர்ப்பவாதிகளிடம் அகப்படாத அறிவும், ஆற்றலும் உள்ள புதிய தமிழ் இளஞர்கள்  இந்த நாட்டுக்கு வேண்டும். இந்த நாட்டில் சுரண்டல் பெருத்துவிட்டது; தன்னலம் தலைவிரித்தாடுகிறது.; சாதி வேண்டாம் என்று சொல்லுகிறவர்களே தங்கள் சாதிகளை மட்டும் வளர்த்து வருகிறார்கள்.; பொது நலத் துறைகளில் ஏமாற்றுகிறவர்கள் பெருகிவருகிறார்கள். இவர்களை வளரவிட்டால் பிறகு எதேச்சாதிகார ஆட்சி வந்துதான் தீரும். அது, ஒரு தீமையிலிருந்து மற்றொரு தீமைக்கு வழிகோலுவது போலாகும்  ஆகவே , அந்த இடைவெளிக் காலத்துக்குள் தலைவர்களையும் வல்லவர்களையும் தோற்றுவிக்க வேண்டுமென்ற எண்ணத்துடனேயே  புது வெள்ளம் ” நாவலைத் தொடங்கியுள்ளேன்.
மனிதப் பண்பின் உயர்வுதான் எழுத்தாளனின் ஒரே குறிக்கோள்.ஆனால் அந்த மனிதப் பண்பை உருவாக்குவதில் அரசியல் , பொருளாதார, கலாச்சார மாற்றங்களும் முக்கியமான  பங்கு கொள்கின்றன . ஆகையால் ‘ நான் அரசியல் சார்பு ‘ அற்றவன் என்று கூறிக்கொள்ளும் போது  அது ‘ கட்சி அரசியலை’க் குறிக்குமே தவிர , எனக்கு அரசியல் பற்று இல்லையென்று பொருளாகாது . மனிதத் தன்மை என்ற அடிப்படைக் கண்ணோட்டத்திலிருந்துதான்  நான் எதையும் நோக்குகிறேன். “
தொகுப்பு : — அகிலன் கண்ணன்

Read Full Post »

Older Posts »