Feeds:
Posts
Comments

Posts Tagged ‘பதிப்பகம்’

 

knm

படைப்பாளர் , பத்திரிகையாளர், மொழி பெயர்ப்பாளர் ,நூல் வெளியீட்டாளர் எனப் பல் வேறு துறைகளிலும் ஒளிவிட்டுத் துலங்கியவர் கண.முத்தையா அவர்கள். இந்திய சுதந்திரப் போராட்டத்தில்  பங்குபற்றியுழைத்த  தியாகியாகவும் திகழ்ந்தவர்.

இந்திய தேசிய ராணுவத்தை அமைத்துப் போராட்டத்தை முன்னிலைப்படுத்திய சுபாஸ் சந்திர போஜின் இராணுவத்தில் முக்கிய ஸ்தானம் வகித்தவர். நாட்டுப்பற்றோடு விடுதலைக்காக உழைத்ததுடன் நூல் வெளியீடு படைப்பிலக்கியத்துறையிலும் தடம்பதித்து  இப் பெரியார்  நவம்பர் மாதம் 12 தேதி இயற்கை எய்தினார்.

சிவகங்கையில்  மதகுபட்டி என்ற கிராமத்தில் கடந்த 1913ஆம் ஆண்டு கண .முத்தையா பிறந்தார். 1930ஆம் ஆண்டு பர்மா சென்றடைந்தார். அங்கே நேதாஜி சுபாஸ் சந்திரபோசின் நாட்டுப்  பற்றாலும் கம்பீரமான வீரச் சொற் பொழிவுகளாலும் நன்கு கவரப்பட்டார் . விடுதலைப் போராட்டத்தில் தானும்  குதித்தார்.  நேதாஜி போசைக் கடைசி முறையாகச் சந்தித்த நால்வரில் கண.முத்தையா அவர்களும் அடங்குவர்.

1946 இல் பர்மாவைவிட்டு சென்னை   திரும்பிய இப்பெரியார்  ‘ தமிழ்ப்புத்தகாலயம்’ என்ற பதிப்பகத்தைத் தொடங்கினார், அதன் முதல்  பதிப்பாக “நேதாஜியின் புரட்சி” என்ற நூலை வெளியிட்டார் . “வால்காவிலிருந்து கங்கை வரை ” என்ற சாங்கிருத்யாயனின் நூலையும் ” பொதுவுடமை என்றால் என்ன?” என்ற நூலையும் தமிழில் மொழிபெயர்த்து வெளியிட்டார்.

எழுத்தில் மட்டுமல்ல நடைமுறையிலும் கூட தமிழகத்துக்கு மாறான கருத்துக்களைக் கூறும் எந்தப் படைப்பையும் தூக்கி எரிந்து விடுவார், பிரசுரிக்க உடன்படமாட்டார். பர்மாவில் ” தன வணிகன்” என்றொரு இதழ் முன்னர் வெளியாகியது. அதன் ஆசிரியர் குழுவில் இணைந்து பணியாற்றிய கண.முத்தையா அவர்கள் பல கட்டுரைகளையும் சிறுகதைகளையும் எழுதி வெளியிட்டார்.

தமிழ் எழுத்தாளர் சங்கம், தமிழ்நாடு  பதிப்பாளார் சங்கம், தமிழ்நாடு எழுத்தாளர் கூட்டுறவுச் சங்கம் போன்ற பல அமைப்புகளில் இருந்து முக்கிய பொறுப்புகளை ஏற்று அவற்றின் முன்னேற்றத்திற்காகப் பெரிதும் பாடுபட்டு உழைத்தார்.

பிரபல நாவலாசிரியரான அகிலனுடைய மகன் அகிலன் கண்ணன் இவரது மகளை மணந்த முறையில் அகிலனுடைய சம்மந்தியானார்.

அகிலன்,ராஜம்கிருஷ்ணன், நா.பார்த்தசாரதி, இந்திரா பார்த்தசாரதி, ஆகிய படைப்பாளிகளின் எழுத்துக்களையும், புதுமைப்பித்தன், க.நா.சு, தொ.மு.சி.ரகுநாதன்,கு.அழகிரிசாமி ஆகியோரின் படைப்புகளை பதிப்புச் செய்து இலக்கிய உலகுக்கு உதவினார்.

இவர் பதிப்பித்த நூல்களுக்கான ராயல்டியை ஒழுங்காக கணக்கு வைத்து , எழுத்தாளரிடம் கையளிப்பதில் மிகவும் நறுக்காக இருந்து தொழில் பட்டமையை மறக்க முடியாது.

இவர் பதித்த நூல்கள் பாரதீய ஞானபீடப்பரிசு, சாகித்ய அகாடமிப் பரிசு, தமிழ்நாடு அரசு பரிசு, ராஜாசர் அண்ணாமலைப் பரிசு, இலக்கிய சிந்தனைப்பரிசு, பாரதீய பாசா பரிசத் பரிசு, ரங்கம்மாள் நினைவுப் பரிசு, அனந்தாச்சாரி அறக்கட்டளை பரிசு எனப் பல்வேறு அமைப்புகளிலும்  பரிசில்களைப்  பெற்றுள்ளமை குறிப்பிடத்தக்கது. – பத்மா சோமகாந்தன்  (வீரகேசரி

– 1998) ]

4

Advertisements

Read Full Post »

1946 ல் தமிழ் புத்தகாலயத்தை துவக்கிய திரு .கண .முத்தையா அவர்கள் இந்திய தேசிய ராணுவத்தில் நேத்தாஜியின் செகண்ட் லெப்டினன்ட் ஆக பணிபுரிந்தவர் ….அவர் போரில் மொழி பெயர்த்த உரையே இது…
நேத்தாஜி சுபாஷ் சந்திர போஸ் தனது இ .தே .ரா ணுவத் தோழர்களுக்கு ஆற்றிய உரையின் ஒரு பகுதி :-நான் உங்களுக்கு வசதிகள் ஏதும் செய்து தர முடியாது .இந்தப் போரில் உங்களுக்குக் கிடைப்ப தெல்லாம் கஷ்டமும் பட்டினியும் சாவுமாக தானிருக்கும் .மிக பெரிய பிரிட்டிஷ் படையை ,நமது சின்ன படை ,சிறிய ஆயுதங்களால் வென்றுவிடுமென்று நான் கற்பனை செய்யவுமில்லை ,ஆனால் இந்தியாவில் நடக்கும் சுதந்தரப் போருக்கு இரண்டாம் போர்முனை யாக நாம் செயல்படுகிறோம் .பிரிட்டிஷ் .இந்திய ராணுவத்தை நாம் நேருக்கு நேர் சந்திப்பதால் அவர்கள் சிந்தை மாறும்..இந்திய நிச்சயம் வெற்றியடையும்..ஆனால் அந்த விடுதலையின் பயனை நீங்கள் அனுபவிக்க முடியாமல் போகலாம் .ஆயினும் நீங்கள் தான் சுதந்திர மாளிகையின் அஸ்திவார செங்கல்.
அழகான மாளிகை தன்னை தாங்கி நிற்கும் அஸ்திவார செங்கலை கவனிக்காது .!அஸ்திவார செங்கலோ தன் மீது நிற்கும் மாளிகையை பார்க்க முடியாது ;இந்த உண்மையை நீங்கள் உணர்ந்தால் போதும்’
திரு .கண .மு .மேலும் ;-இந்த வாசகத்தை மொழி பெயர்த்த போது என் உடலும் குரலும் நடுங்கிற்று ,என் தோளை மெதுவாகத் தொட்டு ‘அமைதி அடை ‘ என்றார் நேதாஜி! அவரது தாயன்பை விஞ்சும் பரிவை பல முறை பார்த்திருக்கிறேன் ,அனுபவித்திருக்கிறேன் ‘என குறிப்பிடுகிறார்.
http://tamilputhakalayam.in/

Read Full Post »

தமிழ்ப் புத்தகாலய உரிமையாளர் கண .முத்தையாவின் நினைவுகள் …
” தலைவர் காமராஜர் எங்கள் மாவட்டத்துக் காரர் ,1930 களிலிருந்து அவரோடு பழகும் பேசும் சந்தர்ப்பங்கள் பல எனக்கு கிடைத்திருந்தது .1937-38 ல் பர்மா வுக்கு போய்விட்டு ,1946 ல் யுத்தக் கைதியாக இந்தியா வந்து சேர்ந்த பின்னும் காமராஜ் அவர்களோடு நல்ல தொடர்பிருந்தது .சில குறிப்பான வேலைகளுக்கு என் மீது நம்பிக்கை வைத்து அவர் என்னை அனுப்பியதுண்டு .
அப்போது ‘தமிழ்நாடு காங்கிரஸ் காரியாலயம் ‘ மவுண்ட் ரோட்டில் நரசிங்கதெருவில் வாடகை வீட்டில் இருந்தது .இப்போது சத்யா மூர்த்தி பவன் !-அந்த இடத்தில் தலைவர் சத்தியமூர்த்தி கட்டிய காங்கிரஸ் மாளிகை ஒரு தீ விபத்தில் அழிந்து போய் வெறும் காலி இடம் தான் இருந்தது 
ராமநாதபுரம் ஜில்லாவில் ராமநாதபுரம் மன்னருக்கு சொந்தமான நிலங்களை சுருளி தாலுக்காவின் விவசாயிகள் அந்த ஆண்டு மழை நன்றாக பெய்திருப்பதால் .2ம் போகம் நெல் பயிரிட முயன்ற போது ராமநாதபுரம் சமஸ்தானம் ‘வாரம் ‘ தர வேண்டுமென கட்டாயப் படுத்துகிறது ,அதை தவிர்க்க வேண்டுமென காமராஜரை அணுகினார்கள் ..அவர் என்னை அழைத்து ,’நீ விவசாய பிரதிநிதிகளை அழைத்துக் கொண்டு ராமநாதபுரம் மாளிகைக்கு போ ,அவரிடம் நான் சொன்னதாக விஷயத்தை எடுத்து சொல்லி ,இவர்களுக்கு எதாவது உதவ ஏற்பாடு செய் ‘என்று என்னை அனுப்பினார் .
ராமநாதபுரம் மன்னர் ஷண்முக ராஜேந்திர சேதுபதி எங்களை அன்போடு வரவேற்றதுடன்,காமராஜரின் விருப்பத்தை நான் விவரமாக தெரிவிக்க ,அதை கேட்டு கொண்டு ,’வாரம் ‘இல்லாது பயிரிட அனுமதித்தால் அது பழக்கமாகி எதிர் காலத்தில் பல சிக்கல்களை உண்டாக்கும் .ஆகவே ,வழமை போல்’ வாரத் ‘தை அளந்து விடுங்கள் . ஆனால் அந்த நெல் முழுவதையும் என் பரிசாக தந்துவிடுகிறேன் என்றார் .அவ்வாறு அவ்விஷயம் முடிந்தது .இந்த ஏற்பாடு காமராஜருக்கும் விவசாயி களுக்கும் சம்மதமே .” 

 

Read Full Post »

முடிவுகளே thodakka

Read Full Post »

வால்காவிலிருந்து கங்கை வரை – ராகுல சாங்கிருத்தியாயன் , தமிழ்ப்புத்தகாலயத்தின் பெருமை மிகு வெளியீடு , தமிழாக்கம்   எமது நிறுவனர் க.ண.முத்தையா

click to buy books

தமிழ் மக்களின் அறிவுச் சொத்து …

  • கி.மு . 600 முதல் 20 ஆம்   நூற்றாண்டு வரையிலான மனித சமுதாயத்தின் தோற்றம்,வளர்ச்சி,நாகரீகம் – 20 கதைகளாக.
  • 36 மொழிகள் தெரிந்து 150 புத்தகங்கள் படைத்த பேராசிரியர் ராகுல்ஜியின் மிக முக்கிய படைப்பிது.      
  • தமிழகத்தில் சிந்தனைப் புரட்சிக்கு வித்திட்ட அறிவார்ந்த நூலிது.
  • இ.தே.ரா (INA )வில் பணியாற்றிய சமூகப்பொறுப்பு மிக்க கண.முத்தையா, தாமே சுவையான நடையில் மொழிபெயர்த்துப் பதிப்பித்த நூலிது.
  • இவைகள் வெறும் கதைகள் அல்ல, சமுதாய வளர்ச்சி,கால மாற்றங்கள் என  கதை வடிவிலான சரித்திர உண்மைகள். 

 விலை :350/-
பதிப்பக தொலை பேசி :044-28340495

 © Tamilputhakalayam -Dhagam All rights reserved


Read Full Post »

Read Full Post »

http://tamilputhakalayam.blogspot.com/

Read Full Post »

Older Posts »